Naangkon sa kapulisan ang dakong kalampusan sa kampanya batok kriminalidad human madakpi ang usa sa Top 10 Most Wanted Persons sa Central Visayas didto sa Purok 3, Barangay Calaran, Calamba, Misamis Occidental niadtong hapon sa Hunyo 10, 2025.
Ang operasyon gipasiugdahan sa tracker team sa Talisay City Police Station kauban ang 10022nd Mobile Company sa Regional Mobile Force Battalion 10 (RMFB 10). Ang suspetsado, usa ka 43-anyos nga negosyante, gidakop base sa warrant of arrest para sa lima ka kaso sa paglapas sa Batas Pambansa Blg. 22 (Bouncing Checks Law) nga gi-isyu ni Hon. Judge Charina Gopico Navarro-Quijano sa RTC Branch 66 sa 7th Judicial Region.
Karon, ang suspetsado gibutang sa kustodiya sa RMFB 10 samtang naghulat sa iyang turnover ngadto sa korte nga nagpagawas sa mando sa pagdakop.
Gipasiugda sa maong operasyon ang padayong paningkamot sa Cebu Police Provincial Office (CPPO) nga magpabilin nga lig-on ang disiplina, responsibilidad, ug tinud-anay nga pagserbisyo sa publiko, sumala sa mga baruganan ni PNP Chief Gen. Nicolas D. Torre III. Ang kusog nga panag-uban tali sa rehiyon ug padayon nga pagpangita sa hustisya nagpakita nga walay makatago sa balaod, bisan asa pa sila moadto.
Gidayeg ni PCOL Jovito M. Atanacio, Acting Provincial Director sa CPPO, ang mga sakop nga nalambigit sa operasyon. Matod niya, “This operation proves that justice knows no borders.
The law will catch up with those who try to escape it. Our personnel acted with utmost discipline, responsibility, and dedication to public service. This is the kind of policing the Sugbuanon deserve under Bagong Pilipinas one that is proactive, decisive, and grounded in the rule of law.”
Ang CPPO mipasalig nga magpadayon ang ilang paningkamot sa pagpangdakop sa mga wanted persons ug sa pagmintinar sa kalinaw ug kahapsay sa lalawigan, subay sa tumong sa Bagong Pilipinas nga usa ka luwas ug disiplinado nga nasod.
Source: CPPO
I via Renante Socia Lada