Trahedya ang nahitabo sa Brgy. Nabuad, Inabanga, Bohol human usa ka 19-anyos nga estudyante ang namatay sa aksidente nga nahitabo alas-2 sa hapon niadtong Lunes, Mayo 18.
Sumala sa Inabanga Police Station, sakay sa usa ka motorsiklo ang tulo ka estudyante nga padulong unta sa Buenavista aron magpa-enroll. Apan samtang nagdagan sa National Highway, kalit kunong miliko o ni-change lane ang motorsiklo tungod sa sakyanang nag-atang sa ilang atubangan.
Didto na sila na-sidesweep sa nagsunod nga Southern Star Bus nga maoy hinungdan sa pagkamatay sa usa sa mga backrider samtang ang duha pa ka kauban niini nasamdan.
Nasayran usab nga walay helmet ang mga estudyante ug wala’y lisensya ang driver sa motorsiklo.
Ang drayber sa bus gidala sa kustodiya sa Inabanga Police Station apan gilauman nga makagawas usab human sa settlement tali sa mga partido.
Wala na gipahibalo sa kapulisan ang pagkaila sa mga naapil subay sa Data Privacy Act.
I via Renante Socia Lada