Nagpalig-on sa ilang panagtinabangay ang Cebu City Police Office (CCPO) ug ang National Police Commission Region 7 (NAPOLCOM 7) kauban ang Cebu City Government aron mas mapalambo pa ang peace and order, public safety, ug pagpugong sa krimen sa siyudad.
Ang CCPO nga gipangulohan ni Police Colonel George V. Ylanan, City Director, miapil sa pagbisita sa NAPOLCOM 7 nga gipangulohan ni Atty. Lecel R. Llamedo, Assistant Regional Director, atol sa 2026 Monitoring and Assessment of Local Chief Executives (LCEs) ug People’s Law Enforcement Boards (PLEBs) kagahapon Mayo 19, 2026 sa Office of the Mayor sa Cebu City Hall.
Mainitong gidawat ang delegasyon ni acting Mayor Nestor Archival diin gihisgutan ang mas lig-on nga koordinasyon tali sa kapulisan ug lokal nga kagamhanan aron mapadayon ang kalinaw ug kaluwasan sa mga residente.
Lakip sa mga gihisgutan mao ang mga pamaagi sa pagpugong sa krimen, mga resolusyon para sa PLEB Cebu City North ug South, nominasyon sa Cebu City Oplan PakigSandurot isip Best COSP Program sa PRO7, ug presentasyon sa kasamtangang crime trends aron mas mapalambo ang kaandam ug plano sa operasyon sa kapulisan.
Gipasiugda usab sa tigum ang importansya sa kaandam, pagsunod sa mga programa, ug epektibong pagpatuman sa mga lakang aron makahimo og mas luwas ug lig-on nga komunidad alang sa tanang Sugboanon.
Sumala sa CCPO, magpadayon sila sa pagpalig-on sa partnership ug panaghiusa uban sa lokal nga gobyerno aron maseguro ang kalidad nga serbisyo publiko ug kaluwasan sa Cebu City.
I via Renante Socia Lada