Usa ka 20-anyos nga criminology student nga gitawag og “Cali,” nga residente sa Sitio Puntod, Barangay Duljo-Fatima, Cebu City, nadakpan sa buy-bust operation nga gihimo sa Philippine Drug Enforcement Agency (PDEA)-Central Visayas kaniadtong Domingo sa gabii, Enero 12, 2025.
Nakuha gikan sa suspetsado ang 1.1 kilos nga gituohang shabu nga nagkantidad og P7.5 milyon. Sumala sa PDEA-7, si “Cali” usa ka regional-level high-value target ug gikatahong nag-apod-apod og ilegal nga drogas ngadto sa ubang sa ubang nga lugar.
Ang suspetsado, nga nagtuo nga mahimong alagad sa balaod, karon nag-atubang og kaso nga may kalabotan sa ilegal nga drogas samtang nagpadayon ang imbestigasyon sa mga otoridad. (Renante Socia Lada)