General Santos City – Ang Department of the Interior and Local Government (DILG) XII nipahigayon ug courtesy visit kang Mayor Lorelie Geronimo Pacquiao kagahapong adlawa, Enero 13, 2025, pinangulohan ni Regional Director Atty. Rochelle D. Mahinay-Sero, CESO, uban ni OIC-Assistant Regional Director Samuel A. Camaganacan, CE, ug City Director Rilimin H. Sandoval.
Atol sa maong pagbisita, gituki ang mga nahimo sa DILG XII sa tuig 2024, lakip na ang pagkadaog sa General Santos City isip awardee sa Seal of Good Local Governance (SGLG), ug ang mga plano ug programa sa DILG para sa 2025.
Si Mayor Pacquiao mipadayag sa iyang hingpit nga suporta ug kooperasyon sa mga inisyatiba sa DILG nga gitumong sa pagdala ug kalamboan sa dakbayan.
Kining maong panagtigom maoy pruweba sa kooperasyon ug panagtambayayong sa lokal nga kagamhanan ug mga ahensya sa gobyerno aron maseguro ang malambuong kalamboan sa General Santos City ubos sa liderato ni Mayor Pacquiao. (Rem Agdon)
News&Photos: CMO-GENSAN