Usa ka 15-anyos nga Grade 8 student nga residente sa Barangay Sambag 2, Siyudad sa Sugbo naluwas sa mga sakop sa Station Drug Enforcement Unit (SDEU) sa Abellana Police Station atol sa usa ka buy-bust operation sa nakalabay na adlaw.
Gikumpirma sa mga otoridad nga napalitan nila ang suspek og usa ka gamay nga pakete sa gituohang shabu. Sa follow-up nga pagrekisa, nakuha pa ang laing lima ka gamay nga pakete sa susamang ginadiling drogas ug ang buy-bust money nga P200 gikan sa iyang bulsa.
Sumala pa sa imbestigasyon, nahilambigit na ang pamilya sa suspek sa ilegal nga pagpayuhot og droga. Una nang nadakpan ang iyang amahan ug igsuon tungod sa susamang kalapasan.
Ang insidente nagpakita sa seryosong paningkamot sa kapulisan aron mapahunong ang problema sa ginadiling drugas sa nasud. (Renante Socia Lada)