Naligo sa kaugalingong dugo ang usa ang taxi driver nga napalgang patay sulod sa iyang taxi didto sa Sitio Ka-Isko, Barangay Mactan, Lapu-Lapu City niadtong buntag sa Hulyo 2, 2025. Ang biktima mao si Johny Burdas, 47 anyos, nga taga-Barangay Bankal sa maong siyudad.
Nakurat ang mga residente sa lugar sa ilang pagkakita sa patay’ng lawas sa drayber nga dunay samad pinusilan sa nagkadaiyang parte sa lawas. Giluwas dayon kini sa mga pulis human makadawat og tawag kabahin sa sakyanan nga gibiyaan sa bakante nga luna.
Mismo ang asawa ug anak ni Burdas maoy miila sa iyang lawas. Wala dashcam ang taxi nga ilang nakita, pero ang kapulisan padayon nga nag-imbestigar sa insidente.
Matod sa mga pulis, aduna na silay gitan-aw nga posible nga nalambigit sa hitabo. Ilang gisusi ang tanang anggulo, ilabi na ang posibilidad nga gitulis ang biktima.
Padayon ang imbestigasyon sa kapulisan aron masayran ang tinuod nga hinungdan sa kamatayon ug aron madakpan ang mga responsable sa maong krimen. Nangayo usab sila og tabang sa publiko kung aduna silay impormasyon.
I via Renante Socia Lada