Nadakpan ang 728 ka suspetsado ug nakumpiskar ang kapin 1,600 ka pusil sa unang unom ka bulan sa tuig 2025 atol sa kampanya sa kapulisan batok sa ilegal nga armas ug eksplosibo.
Sumala sa Police Regional Office 7 (PRO7), sila nakahimo og 1,642 ka operasyon gikan Enero hangtod Hunyo 2025. Sa maong mga operasyon, narekober usab ang 57 ka eksplosibo ug kapin 3,600 ka bala.
Matod ni PBGEN Redrico Maranan, Regional Director sa PRO7, ang kalampusan sa operasyon tungod sa tabang sa mga tawo ug pagtinabangay sa komunidad. Gihulagway kini nga
usa ka hulga sa kalinaw.
Gidugang ni Maranan nga ang mga nasakmit armas posibleng magamit unta sa krimen, apan tungod sa operasyon, napugngan ang posibleng kagubot.
Padayon ang panawagan sa PRO7 nga magtinabangay ang katawhan ug kapulisan aron mas luwas ug malinawon ang Central Visayas.
Source: PRO7
I via Renante Socia Lada