Ang Police Regional Office 7 (PRO7) nag-ingon nga seryoso nilang giatiman ang mga alegasyon nga nag-viral online bahin sa giingong pagdaot sa usa ka 68-anyos nga lalaki sa Cebu City. Giingon sa PRO7 nga ilang susihon kini base sa husto nga proseso sa balaod.
Sumala sa report sa Police Station 5 sa Cebu City Police Office, ang maong tigulang nadakpan niadtong Mayo 7, 2026 sa Colon Street, Barangay Kalubihan, Cebu City.
Gi-apprehend siya sa mga personalidad sa Cebu City Anti-Mendicancy Office (CCAMO) tungod sa giingong paglapas sa Presidential Decree 1563 o Anti-Mendicancy Law.
Giingon sa kapulisan nga ang ilang papel mao ang pagpatuman lang og tabang sa pagdala sa maong tawo ngadto sa estasyon alang sa hustong proseso ug pagpangandam sa kaso.
Base usab sa medical examination sa parehas nga adlaw, giingon sa doktor nga ang pasyente “essentially well at the time of examination” o maayo ra ang kondisyon sa iyang lawas sa oras sa check-up.
Giklaro sa Police Regional Office 7 nga padayon silang magpatuman sa balaod samtang nagrespeto sa tawhanong katungod. Giingon usab nila nga imbestigaran ang bisan unsang reklamo kung adunay kapakyasan o abuso.
Nangayo ang PRO7 sa publiko nga mag-amping sa pag-share sa impormasyon online ug likayan ang pagpakaylap sa mga balita nga walay klarong basehan aron malikayan ang kasamok ug sayop nga pagsabot.
Source: PRO7 PIO
I via Renante Socia Lada