Si Konsehal Ronamarie Therese Guaren sa Oslob ug si Konsehal Ethel A. Gulane sa Dakbayan sa Bogo mao ang nidaog sa lungsod ug dakbayan nga kategoriya sa pinakaunang “Outstanding Lady Local Legislator Award” (OLLA) nga gipahigayon niadtong Nobiyembre 26, 2024
Ang duha ka opisyal nidaog isip nag-unang mga babayeng konsehal sa Lalawigan sa Sugbo nga gihatagan og pag-ila gikan kang Gobernador Gwen Garcia ug Bise Mayor sa Dakbayan sa Mandaue Nerissa Soon-Ruiz, presidente sa Lady Local Legislators League (4Ls) sa Lalawigan sa Sugbo, atol sa usa ka seremonya nga gipahigayon sa Capitol Social Hall.
Ang mga buhatan nila Konsehal Guaren ug Gulane nakadawat og P500,000 nga kantidad alang sa mga proyekto sa imprastruktura nga gipunduhan sa Provincial Government ug laing P20,000 nga cash gikan sa 4Ls Cebu Province.
Samtang, ang mga finalists sa matag kategoriya giila usab alang sa ilang maayong pagserbisyo, diin matag usa kanila nakadawat og P100,000 nga kantidad alang sa mga proyekto sa imprastruktura gikan sa Kapitolyo ug P10,000 nga cash prize gikan sa 4Ls Cebu.
Kompletong lista sa mga finalists:
𝗖𝗜𝗧𝗜𝗘𝗦 𝗖𝗔𝗧𝗘𝗚𝗢𝗥𝗬
- Hon. Vivian M. Canama (Dakbayan sa Bogo)
- Hon. Annabeth Cuizon (Dakbayan sa Lapu-Lapu)
- Hon. Jennifer S. Del Mar (Dakbayan sa Mandaue)
- Hon. Ma. Nevhell L. Francisco (Dakbayan sa Bogo)
- Hon. Ethel A. Gulane (Dakbayan sa Bogo)
- Hon. Emily Jusay Juanillo (Dakbayan sa Bogo)
𝗠𝗨𝗡𝗜𝗖𝗜𝗣𝗔𝗟𝗜𝗧𝗜𝗘𝗦 𝗖𝗔𝗧𝗘𝗚𝗢𝗥𝗬
- Hon. Coca Nicohl Bustamante (Dalaguete)
- Hon. Ronamarie Therese Guaren (Oslob)
- Hon. Janet M. Hubahib (Bantayan)
- Hon. Thelma L. Jordan (Liloan)
- Hon. Maricar L. Lumain (Badian)
- Hon. Annette J. Navarro (Pinamungajan)
- Hon. Natileigh Marie Therese S. Sitoy (Cordova)
Kini nga inaugural OLLA mao ang pinakauna sa nasud ug nagpasiugda sa mga kalampusan sa kababayen-an sa gobyerno—usa ka larangan nga kasagarang dominyado sa mga kalalakin-an.
Tumong niini nga pasidunggan ang mga babayeng mambabalaod tungod sa ilang dili mapukan nga dedikasyon sa pagserbisyo publiko ug sa ilang dakong kontribusyon alang sa pagpalambo sa ilang mga komunidad.
“Women are created with a DNA for public service. We are redefining pubic service,” segon ni Gov. Gwen Garcia.
Didto usab sa seremonya sila Board Member Tata Corominas-Toribio, regional director sa DILG Leocadio Trovela, assistant regional director Atty. Ian Kenneth Lucero, ug provincial director Dr. Jesus Robel Sastrillo.
Source: Cebu Provincial Capitol PIO
| via Renante Socia Lada