Aron mapalambo ang kaluwasan sa kadalanan, usa ka vehicular accident toll board ang gibutang sa usa ka lugar nga prone sa aksidente sa Barangay Busay, dakbayan sa Sugbo.
Ang maong board nagpakita sa gidaghanon sa mga nangamatay ug naangol tungod sa mga aksidente sa dalan sa maong lugar karong tuiga.
Usa ka tag-iya sa usa ka driving school ang nanguna sa pagmontar sa board, nga may tumong nga pahinumdoman ang mga drayber sa importansya sa luwas nga pagdrayb labi na kung moagi sa maong dapit.
Sumala sa board, hangtod karong tuiga, duha ka tawo ang namatay ug 152 ang naangol tungod sa mga aksidente sa dalan niini nga lugar.
I via Renante Socia Lada