Adunay 986 ka mga indibidwal sa Zamboanga del Norte ang nakadawat sa gigahin nga 4,645,000.00 milyones ka pesos gikan kang Senador Mark Villar pinaagi sa Assistance to Individuals in Crisis Situation kon AICS.
Ang maong pondo gipang apod apod inubanan sa mga kawani sa Department of Social Welfare and Development-9 kun DSWD, ingon man sa mga kawani sa Provincial Social Welfare and Development Office nga gipanguluhan ni PSWDO-OIC Mr. Alex Sabal.
Kahibaloan ang panagtapok didto gipahigayon sa Zamboanga del Norte Convention and Sports Center, Barangay Estaka ning Dakbayan sa Dipolog Nobyembre 21, 2024.
Atol pagpanghatag mapasalamaton ug daku ang mga benepisyaryo sa AICS kang Governor Rosalina “Nanay Nene” Jalosjos, kinsa magpapili kini isip mayor sa Dakbayan sa Dipolog diin gipahingusgan niini aron mapatuman ug mahatagan ang matag benipisyaryo,pinaagi sa mga paningkamot niini nga makuha ang nahisgutang pondo gikan kang Senador Villar.
Atol sa gipahigayong programa sa AICS pay-out, matag usa sa mga opisyales ang mipadangat ug mga mensahe ug mapasalamaton kang Senador Mark Villar sila si kanhiay Provincial Administrator Mr. Wilberth “Gaw Jojo” Magallanes, kanhi Assistant Provincial Administrator Mr. Aurelio “Tata” Monteclaro, Piñan Mayor Cely Jalosjos-Carreon, Atty. Ricky Mejorada II, kanhi 3rd District Congressman Cesar Jalosjos, nga wala pakyasa ang ilang mga hangyo nila ni Dapitan City Mayor Seth Frederick “Bullet” Jalosjos, Governor Jalosjos ug Mr. Magallanes mahitungod na sa pagtagana sa nahisgutang nga pondo para sa mga Zanortehanon.
Kahinumduman wala ang presensya sa Senador Villar apan anaa si Ms.Ja Biscamante isip representante ni Senador Mark Villar nga girepresentahan sa iyang Political Affairs Office staff.(Angelica T. Obina)
Source: PROVINCIAL INFORMATION CENTER