Gipadayag sa Department of Health sa Central Visayas (DOH-7) nga dili tinuod ang nanggawas sa social media post nga gibutyag sa usa ka tawo nga kuno nagpatakod
og HIV sa ubang tawo dinhi sa rehiyon.
Matod sa DOH-7, ang pagngalan sa tawo nga adunay HIV o ang pag-akusar nga wala’y klarong ebidensya ug proseso supak sa balaod (RA 11166) ug makapasamot lang sa kahadlok ug diskriminasyon.
Gipasabot sa ahensya nga ang kahadlok ug pag duha-duha mao’y usa sa mga hinungdan nganong ang uban dili magpa-test o mangayo og tambal. Dili na angay kahadlukan ang HIV kay kini matambalan ug mapugngan basta sayo lang matagaan og aksyon.
Gi-awhag sa DOH-7 ang publiko nga magmatngon sa mga istorya nga makita online ug likayan ang pag-share sa dili sigurado nga impormasyon. Kung gusto mo makabalo sa tinuod, adto lang sa opisyal nga mga page sa DOH.
Awhag sa DOH, tanang tawo, bisan pa adunay HIV o wala, angay tratuhon nga patas ug may respetuhon.
Source: DOH
I via Renante Socia Lada