Niadtong Agosto 13, mitambong sa usa ka courtesy visit si Consul General Zhang Zhen uban ang mga opisyal sa Chinese Consulate sa Cebu ngadto kang Gobernor Pamela Baricuatro.
Sa ilang panag-istorya, gipadayag sa Chinese delegation nga gusto silang magpahimutang og lig-on ug dugay nga panaghigalaay ug pakigtambayayong sa Cebu sa dagkong aspeto sama sa trade ug investments, pagtukod og mga imprastruktura, edukasyon, turismo, cultural exchange, ug paggamit sa renewable energy.
Gipunting ni Consul General Zhang ang kamahinungdanon sa suod nga relasyon sa duha ka nasod.
Gihatag usab sa consul general ngadto sa gobernador ang mga opisyal nga komunikasyon gikan sa lain-laing Chinese officials nga nagpadala og mensahe sa pagpasalamat ug pag-congratulate sa iyang kadaugan sa eleksyon niadtong Mayo 2025.
Source: Cebu Province PIO
I via Renante Socia Lada