Gipahibalo ni Cebu Gobernor Pamela Baricuatro nga ang mga proyekto sa flood control nga gi-credit sa probinsya dili gikan sa Provincial Government, apan lagmit gikan kini sa national programs pinaagi sa gitawag nga congressional insertions.
“Wala ta’y flood control projects nga gikan sa probinsya. Mga national programs ni, lagmit congressional insertions,” matod sa gobernador atol sa media briefing kagahapon Agosto 13, 2025.
Base sa datos sa Department of Public Works and Highways (DPWH), adunay 414 ka flood control projects nga gi-implementar sa Cebu, nga mao ang ikaduhang pinakadaghan sa tibuok nasod.
Gisuportahan usab sa gobernador ang posibleng imbestigasyon aron masuta kun kinsa ang nangurakot sa pondo. Naghisgot kini human sa pamahayag ni Presidente Ferdinand Marcos Jr. kaniadtong Agosto 11, nga naglatid nga ang Cebu mao ang ikaduha sa listahan sa pinakadaghan nga proyekto sa flood control, bisan pa nga sige gihapon og baha ang Metro Cebu matag ting-uwan.
Source: Cebu Province PIO
I via Renante Socia Lada