Dakong kasamok ang nahitabo sa usa ka hotel sa Barangay Kamputhaw, Sugbo City, human masakpan ang duha ka kaluha nga Turkish nationals nga gitumbok nga responsable sa pagpanglugos sa usa ka babaye ug pagpugos kaniya nga makig-threesome kanila. Ang duha giila nga sila si Gurhan Metin, 28 anyos, ug Gokhan Metin, nga kasamtangan nagpuyo sa maong hotel.
Sumala sa report sa kapulisan, nangayo ug tabang ang biktima human sa insidente ug misaysay sa mga otoridad nga gipuli-pulihan siya og gamit sa duha ka managsuon. Dugang pa niya, wala siya mohatag ug pagtugot sa gibuhat sa mga suspek ug gipugos pa siya sa dihang misupak na siya.
Dali nga mitubag ang kapulisan sa reklamo sa biktima ug gihimo ang operasyon sa gabii sa Agosto 13, nga misangpot sa pagkadakop sa duha ka suspek sulod mismo sa hotel diin nahitabo ang insidente. Gisiguro sa mga otoridad nga luwas na ang biktima ug gihatagan kini og medikal ug legal nga tabang.
Ang duha ka suspek karon gibutang sa kustodiya sa kapulisan samtang nagpadayon ang imbestigasyon. Giandam na usab ang mga dokumento alang sa pagsang-at sa kaso batok kanila sa korte.
Pahimangno sa kapulisan nga seryoso ang silot alang sa krimen sa pagpanglugos ubos sa Republic Act 8353 o Anti-Rape Law, ug kini usa ka non-bailable offense nga makaprisohon hangtod sa reclusion perpetua kung mapamatud-an.
I via Renante Socia Lada