Gidakop sa kapolisan ang usa ka construction worker kagahapon, Oktobre 15, 2025, nga giingong responsable sa pagpatay sa usa ka motorcycle rider didto sa Sitio Tagaytay, Barangay Kalunasan, Cebu City, niadtong Domingo, Oktubre 12, 2025.
Ang suspek giila nga si Kirk Blash Amasa, 21-anyos, molupyo sa Barangay Duljo-Fatima. Siya nadakpan samtang nagtrabaho ug mitug-an nga gisuhulan siya og ₱3,000 aron patyon ang biktima nga si Dexter Nanong Dandan, 48-anyos, taga Elizabeth Pond, Barangay Kamputhaw.
Matod pa ni Amasa, iyang kauban sa maong krimen mao si Junjun Casanas, taga Busay, kinsa karon gipangita sa kapolisan.
Sa inisyal nga imbestigasyon, nasayran nga gisakyan pa sa mga suspek si Dandan paingon sa Kalunasan ug didto gidunggab siya, hinungdan sa iyang kamatayon. Human sa krimen, gidala pa sa mga suspek ang Honda Click nga motorsiklo sa biktima, apan narekober kini sa mga otoridad.
Sa nasayran nibutyag ang suspetsado nga ang biktima wala daw mo remit sa halin sa shabu na maoy hinungdan sa maong krimen.
Sa kasamtangan, nagpadayon ang imbestigasyon aron mahibaw-an kinsa ang nagmando sa pagpatay, samtang ang pamilya sa biktima nagpakita og katingala sa pag-ila nga nalambigit diay sa iligal nga kalihukan ang ilang paryente.
📸 CTTO
I via Renante Socia Lad