Nagkaguliyang ang mga residente sa Sitio Narsube, Barangay Bonbonan, Labangon, Cebu City human miulbo ang usa ka kusog nga sunog nga giingong nagsugod sa usa ka panimalay kagahapon sa buntag. Ang kalayo dali nga mikaylap tungod sa mga hinimo sa kahoy nga estruktura sa lugar.
Sumala sa inisyal nga imbestigasyon, gituohang usa ka 6-anyos nga bata ang nagduwa og lighter nga maoy hinungdan sa pagdilaab. Kini ang gipadayag sa amahan sa bata nga nakahinabi sa mga tigbalita. Giingon nga nagdula ra ang bata sa sulod sa balay sa wala pa masugdan ang kalayo.
Dali nga mitabang ang mga silingan sa pagpalong sa kalayo samtang nagpaabot sa mga bombero. Apan bisan sa ilang paningkamot, naapektuhan gihapon ang pipila ka balay ug nawad-an sa panimay ang ubang residente.
Ang Bureau of Fire Protection (BFP) padayon nga nag-imbestigar aron masuta ang tinuod nga hinungdan sa sunog ug matino kung tinuod bang nagikan kini sa pagduwa sa bata.
Matod sa kabomberohan, nga kini nga panghitabo nagsilbing pahimangno sa tanan nga mga ginikanan nga bantayan pag-ayo ang ilang mga anak, ilabi na kung adunay mga butang sama sa posporo, kandila o lighter sulod sa balay. Ang gamayng kalapasan mahimong moresulta sa dakong kadaut ug peligro sa kinabuhi ug kabtangan.
I via Renante Socia Lada