Gumikan sa mga kuha sa CCTV ug mga share sa netizen naila ug nadakpan ang nag kidnap sa usa ka bata nga nagpanuigon og 8 anyos, half Korean-Filipina.
Pasado alas 8 kagabii nasikop ang suspetsado nga si Godiflor Rama, 32 anyos ang panuigon, ulitawo, caretaker sa gipuy-an sa biktima ug lumad na taga Bukidnon.
Ang pagpang kidnap nahitabo didto sa Shirley Apartment, Jasmin Street, Purok 10, Barangay Bakilid, siyudad sa Mandaue.
Sa inbestigasyon sa kapulisan sa Mandaue City Police Station, Station 2, nasayran nga ang mga kabanay sa biktima nitaho sa ilang buhatan kay gi kidnap ang batang babaye.
Nakita sa mga footage sa CCTV nga gisulod sa usa ka maleta ang biktima dayon sibat sa maong lugar.
Nasuta usab nga adunay kasuko si Rama sa nga apohan sa biktima na maoy hinungdan nga iyang gi kidnap ang bata.
Sa pagkakaron giandam na ang tukmang kaso batok sa caretaker nga ni kidnap sa usa ka minor de edad na bata. (Renante Socia Lada, photo courtesy by Renz Edward Agapito)