Sa pagpadajon nan People’s Day Program ni Mayor Pablo Yves L. Dumlao II, 1,496 ka indibidwal ang nakasinati nan libreng serbisyo gikan sa gobyerno kuman na adlaw, Agusto 11, 2023 didto sa Brgy. San Juan.
Mga ginikanan sa mga kabatan-onan nalipay sa libreng serbisyo nan City Health Office, 208 an natuli sanan 75 ka mga bata ang naibtan nan ngipon.
Sa eye consultation and free eyeglass, 160 ka mga indibidwal ang nakalibre pinaagi sa serbisyo nan Surigao Optometric Society sa nag edad 40 anyos pataas.
Pinaagi nan People’s Day Program nan gobyernong siyudad nagpasalamat karadjaw an nasudnong ahensya na Philippine Postal Corporation (PhilPost) diin mas napadali an pagpanhatag nan mga National I.D. na waya pa magpakadawat sanan nakadawat na.
Samtang an Congressional Staff sanan Governor’s Office nag-offer nan libre na lamination diin natubag na an hangyo nan mga katawhan na malakip an libre na lamination para sa ila PhilHealth I.D.
Sumala pa sa mensahe ni Mayor Paul Dumlao, sa pag tinabangay, hamok gajud an proyekto na mahimo sa Brgy. San Juan. Isa na dinhi ang mahitabo na proyekto na Public Market sa kantidad na P5,000,000 pesos nga aprobado na nan Sangguniang Panlungsod. Sa katapusan na mensahe mapasalamaton gihapon ang halangdong Mayor sa tanan na ni suporta sa People’s Day program hilabi na sa tanang katawhan nan Brgy. San Juan.
(Source: Surigao City PIO Facebook page)