34 C
Manila
Tuesday, April 16, 2024

Cebu: Suspetsado sa pagdunggab patay sa amahan ug anak didto sa Dakbayan sa Toledo nasikop sa kapulisan

- Advertisement -
Human sa pipila ka oras nga nakadunggab patay ang mamumuno nasikop kini sa kapulisan pinaagi sa usa ka hot pursuit operation.

Si Kevin Purisima Avelis, 31 anyos ang panuigon maoy gitumbok na suspetsado sa pagdunggab patay sa anak ug amahan.

Ang mga biktima naila sa Toledo City Police Station nga sila Zorovavel Tapao Edoloverio, 48 anyos ang pangidaron, ug si Zyphaniah Malaay Edoloverio, 18 anyos ang panuigon, puros lumulupyo sa Sitio Suba , Barangay Talavera, siyudad sa Toledo.

Sa inbestigasyon nga gihimo sa Toledo Police Station nasayaran na nisulod sa balay sa mga biktima ang suspetsado dayon dunggab ni Zyphaniah.

Nitabang unta ang amahan apan nadunggaban patay usab kini ug naangol usab si Gerley Navarro, 18 anyos ang pangidayon, kauban nila sa balay.

Nahibaw-an na nag suspetsado nasuko kini kay kanunay siyang gibastid sa iyang gipanguyaban.

Si Avelis naila sa maong lugar na tig gamitan sa ginadiling drugas.

Sa pagkakaron giandam na ang tukmang kaso batok sa suspetsado kinsa nikutlo ug duha ka kinabuhi ug niaangol sa laing tawo.

(Renante Socia Lada, photo courtesy by Toledo Police Station)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -