El coleccion de impuesto na operacion del Integrated Bus Terminal (IBT) del ciudad de Zamboanga ya man lampas ya na cantidad de P4 millones.
Ese el cosa ya anuncia del Miercoles si Rafael Derick Evangelista, III, el oficial supervisor de regulacion de transportacion del IBT.
Ya explica si Evangelista cay desde’l tiempo ya principia colecta pago de arquiler el ciudad del Noviembre 2022, el IBT ya puede ya encontra P3.1 millon desde’l 60 del 62 puesto que ta dale arquila con mga consecionarios.
Mientras tanto, asegun con Evangelista, ya colecta tamen el IBT P900 pago de parada desde’l especial lugar de parada ya aloca na mercado de la noche (night market).
El colecion de P900 aparte este na coleccion de regular impuesto to edeficio de llegada que ta sirvi con mga autobus publicos.
Asegun con Evangelista, el Festival de Navidad esperansao dale omento na encontrada del IBT especialmente el 80 pies altor de Christmas Tree que ta atrae mucho hente todo’l noche.
(B. Garcia, photo courtesy of IBT)