Usa ka suspetsado sa pagpanglabni ang nadakpan pinaagi sa citizen’s arrest uban ang tabang sa kapulisan sa Mabolo Police Station 4 niadtong Setyembre 26, 2025. Samtang, padayon pa ang operasyon sa kapulisan aron madakpan ang kauban sa suspek nga mitakas.
Base sa imbestigasyon, ang biktima nga usa ka drayber naglakaw sa dalan E. Baclig sa Barangay Carreta sa dihang kalit siyang gitabangan sa suspek ug gilabni ang iyang bag.
Sulod niini mao ang ₱79,000 cash, usa ka gold necklace nga nagkantidad og ₱100,000, usa ka gold bracelet nga ₱70,000 ang balor, ug ang bag nga ₱3,000 ang kantidad – nga may kabuuang balor nga ₱252,000.
Dali untang nakapalayo ang suspetsado apan naabtan kini sa biktima uban ang suporta sa kapulisan nga nagresulta sa pagkadakop niini. Ang tanan nga narekober nga items ug kwarta gibalik sa biktima.
Gipahibalo sa kapulisan ang suspetsado sa iyang mga legal nga katungod ubos sa Miranda Rights ug kasamtangan nga gitanggong kini sa Mabolo Police Station 4 samtang nag-atubang sa kasong robbery.
Si PCOL Enrico Evangelista Figueroa, Acting City Director sa Cebu City Police Office, mipasalig nga magpadayon ang ilang hugot nga kampanya batok sa kriminalidad aron mapabilin ang kalinaw ug seguridad sa dakbayan sa Sugbo.
Source: CCPO
I via Renante Socia Lada