Padayon ang Cebu Police Provincial Office (CPPO) sa pagpanguna batok sa krimen ubos sa pagdumala ni PCOL Abubakar Udang Mangelen Jr., nga nagpakita og klarong resulta sa operasyon sulod sa usa ka semana.
Gikan sa Septiyembre 22 hangtod 28, nakahimo ang kapulisan og 66 ka anti-drug operations nga misangpot sa pagdakop sa 85 ka suspetsado ug pagkumpiskar sa 164.61 gramos nga shabu nga nagkantidad og kapin sa ₱1.1 milyon.
Nakasikop usab sila og 29 ka wanted persons, lakip ang 3 ka Most Wanted Individuals, pinaagi sa 35 ka warrant operations. Nagpakita kini nga walay makatago sa balaod.
Sa kampanya batok armas, nakasakmit ang kapulisan og 10 ka pusil ug nakapatahan sa 7 ka armas, lakip sa 17 ka operasyon nga naglangkob usab sa pagdakop sa 10 ka tawo.
Batok sa iligal gambling, 19 ka violators ang nadakpan sa 17 ka operasyon ug nakumpiskar ang ₱3,747.00.
Sa traffic ug enforcement, 1,070 ka operasyon ang gihimo, diin 410 ka multa ug 126 ka warnings ang gi-issue, nga nakakolekta og ₱158,350.00 gikan sa mga penalty.
Sumala sa CPPO, dili lang numero ang gipasabot sa ilang kalampusan, kundili timaan kini sa sakripisyo ug dedikasyon sa ilang mga personahe nga nagserbisyo bisan pa sa layo sa ilang pamilya.
Source: CPPO
I via Renante Socia Lada