Nadakpan sa kapulisan ang usa ka lalaki human motubag ang mga operatiba sa Police Station 10 sa report bahin sa usa ka armadong tawo sa Barangay Labangon, Cebu City, sa sayong bahin sa Agosto 6, 2026.
Sa pag-abot sa Station Drug Enforcement Team (SDET), nasakpan ang suspek nga adunay usa ka caliber .22 revolver nga may duha ka buhing bala. Sa legal nga pagdakop kaniya, nakuha usab sa mga pulis ang usa ka pakete sa gituohang shabu.
Sumala sa kapulisan, ang narekober nga gituohang shabu adunay gibana-banang gibug-aton nga 10 gramos ug kantidad nga ₱68,000.
Gidala ang suspek sa Police Station 10 ug nagpabilin karon sa kustodiya sa kapolisan samtang giandam ang kasong paglapas sa Republic Act 9165 o Comprehensive Dangerous Drugs Act ug Republic Act 10591 o balaod batok sa ilegal nga armas.
Ang Cebu City Police Office magpadayon sa ilang dali nga pagtubag sa mga insidente aron maseguro ang kalinaw ug kaluwasan sa syudad.
I via Renante Socia Lada