Nakumpiskahan sa kapulisan ug balor sa kapin P6,000 nga kantidad sa ilegal na drugas ang usa ka drug suspek nga tigpayuhot sa ilegal na drugas atol sa gipatoman nga buy-bust operation mga alas 7:30 sa gabii niadtong Agosto 5, 2026, didto sa Purok Isla Dagami, Barangay Turno, Dipolog City, Zamboanga del Norte.
Naila ang dinakpan nga drug suspek nga 31 anyos nga lalaki kinsa gidakop pinaagi sa Dipolog City Police Station (SDET), uban sa koordinasyon sa 901st Maneuver Company, Regional Mobile Force Battalion 9 (RMFB9), Regional Drug Enforcement Unit 9 (RDEU 9), ug sa Philippine Drug Enforcement Agency Regional Office 9 (PDEA-9), tungod sa paglapas sa Republic Act No. 9165 (Comprehensive Dangerous Drugs Act of 2002).
Atol sa operasyon nakumpiska gikan sa dinakpan ang nagkadaiyang pakete sa gituohang shabu nga mutimbang sa (1) ka gramo ug adunay gibanabana nga Standard Drug Price nga P6,800.00.,uban sa mga butang nga dili druga.
Ang mga nakumpiska nga gituohang ilegal nga droga ipadala sa Zamboanga del Norte Provincial Forensic Unit alang sa laboratory examination, samtang ang nadakpan nga suspek nagpabilin sa kustodiya sa Dipolog City Police Station samtang nagpaabot sa pagpasaka sa tukmang kaso.(MEDALYN U. BORJA)
Source: ZNPPO