Human sa duha ka semana nga pagpatay sa usa ka Japanese national nasikop sa kapulisan ang nagpaluyo sa maong krimin, kagahapon sa hapon, Desyembre 9, 2023, didto sa lungsod sa liloan.
Si Doug Hiroshi Sugawara, 72 anyos ang panuigon, menyo, maoy biktima sa brutal na pagpatay sulod sa gipuy-an niini didto sa usa ka Subdivision, sa lungsod sa Liloan, Sugbo.
Sa inbestigasyon nga gihimo sa National Bureau of Investigation (NBI-CERBO) nitumaw nga ang asawa sa biktima uban sa kanhi niini nga hinigugma maoy nagbuhat sa pagpatay ni Sugawara.
Nasayran nga adunay tumang kasuko ang suspetsado sa iyang bana na maoy hinungdan sa maong krimin.
Sa pagkakaron giandam na ang tukmang kaso batok sa mga suspetsado nga brutal na nipatay sa usa ka langyaw.(Renante Lada)