Gibalhog karon sa prisuhan ang usa ka American National human nag mugna og kagubot atol sa pag abli sa Pasko sa Naga.
Niadtong Biyernes sa gabii, Desyembre 8, 2023, didto sa siyudad sa Naga gisikop ang langyaw sa kapulisan.
Ang suspetsado naila nga si Sergio Corbalan, 52 anyos ang panuigon, kasamtangan nagpuyo sa Barangay Tunghaan, lungsod sa Minglanilla, Sugbo.
Sa inbestigasyon nasayran nga hubog na niabot sa dakbayan si Corbalan ug nanglabay kini og bato.
Duha ka mga biktima ang naangol sa maong pagpamato nga sila si Julius Reuyan Salidaga, 36 anyos ug Andrea Salidaga, 28 anyos, puros sila lumulupyo sa Barangay Ilaaya, lungsod sa San Fernando, Sugbo.
Nasayran usab nga na nanumbag ang langyaw sa biktima. (Renante Lada, photo courtesy of Naga City Police Station)
