Usa ka dako nga sunog ang miigo sa Sitio Nasipit, Barangay Talamban, sa dakbayan sa Sugbo, sayong kadlawn sa Oktubre 25, 2025, nga miresulta sa ₱10.8 milyones nga danyos ug pagkaguba sa pito ka mga estruktura, lakip na ang usa ka dako nga furniture factory.
Sumala sa Bureau of Fire Protection (BFP), nadawat nila ang tawag sa sunog alas 2:22 sa kadlawn ug giisa kini sa first alarm lima ka minutos ang milabay. Tungod sa kadali sa pagkatap sa kayo, giisa kini sa second alarm alas 2:41 ug hingpit nga nakontrolar alas 4:07, samtang napalong na kini hingpit alas 4:46. Gi bana-bana nga 720 square meters ang gilapdon sa lugar nga naapektuhan.
Sa inisyal nga report sa Department of Social Welfare and Services (DSWS), 11 ka mga balay ang naapektuhan sa sunog, unom niini hingpit nga naugdaw samtang lima ang partially burned. Anaa sa 20 ka pamilya o 81 ka indibidwal ang naapektuhan apan wala’y naangol sa insidente.
Kasamtangan, ang mga biktima gipapahimutang sa taas nga bahin sa barangay hall alang sa temporaryong pagpuy-an samtang padayon pa ang imbestigasyon sa BFP aron mahibal-an ang tinuod nga hinungdan sa maong sunog.
I via Renante Socia Lada