Nakigkita si Cebu City Police Office (CCPO) Director PCOL George V. Ylanan uban sa bag-ong CIDG-7 Regional Chief nga si PCOL Arbel C. Mercullo kang Cebu City Mayor Nestor Archival atol sa ilang courtesy visit sa City Hall kagahapon Mayo 28, 2026.
Gihisgutan sa maong panagtagbo ang mas lig-on nga panagtinabangay tali sa Cebu City Government, CCPO, ug CIDG aron mapadayon ang kalinaw ug kahapsay sa siyudad.
Lakip sa ilang gihisgutan ang mas maayong koordinasyon sa police operations, pagbinayloay og impormasyon sa intelligence, pagpalig-on sa kampanya batok sa krimen, ilegal nga drogas, ug mga wanted persons.
Gipasiugda usab sa mga opisyal ang padayon nga suporta sa mga programa alang sa seguridad ug umaabot nga hiniusang operasyon aron maseguro ang kaluwasan sa tanang Sugboanon.
Sumala sa CCPO, magpadayon sila sa pakigtambayayong sa lokal nga kagamhanan ug uban pang law enforcement agencies aron mapalambo ang public safety ug community security sa tibuok dakbayan sa Sugbo.
I via Renante Socia Lada