Nadakpan sa kapulisan sa Moalboal Municipal Police Station ang usa ka lalaki nga giila nga Top 1 Most Wanted Person sa municipal level ug Top 7 Most Wanted Person sa provincial level tungod sa kasong rape.
Ang operasyon gihimo sa Barangay Poblacion East, Moalboal, Cebu niadtong nakakabay nga adlaw pinaagi sa Tracker Team sa Moalboal MPS.
Ang nadakpan usa ka 48-anyos nga lalaki nga gipasanginlan sa kasong rape. Siya gidakop base sa warrant of arrest nga gi-isyu sa Regional Trial Court Branch 98 sa Barili, Cebu. Sumala sa korte, walay gitakdang piyansa alang sa maong kaso.
Matud sa kapulisan, ang pagdakop resulta sa ilang gipakusog nga intelligence monitoring ug tracking operations aron masuta ug madakpan ang mga wanted persons sa lalawigan sa Sugbo.
Gidayeg ni PCOL Abubakar Udang Mangelen Jr., Provincial Director sa Cebu Police Provincial Office, ang mga operatiba nga nagpatuman sa maong operasyon. Miingon siya nga padayon ang ilang kampanya batok sa mga wanted person ilabina kadtong adunay seryosong kaso.
Dugang pa niya nga dili mohunong ang Cebu PPO sa pagpangita ug pagdakop sa mga naglikay sa balaod aron masiguro nga mahatagan og hustisya ang mga biktima.
Nagpasalig usab ang Cebu Police Provincial Office nga magpadayon ang ilang operasyon batok sa mga wanted person isip kabahin sa pagpalig-on sa kalinaw ug kahapsay sa tibuok probinsiya.
I via Renante Socia Lada