Nakumpirmar ang unang kaso sa monkeypox (mpox) sa Talisay City, samtang gimonitor usab sa Mandaue City ang usa ka suspek nga kaso sa maong sakit, sumala sa mga opisyal sa lokal nga panggamhanan ug Department of Health (DOH) niadtong Mayo 29, 2025.
Sa usa ka opisyal nga pamahayag, gikumpirmar ni Talisay City Mayor Gerald Anthony “Samsam” Gullas nga usa ka pasyente ang nasuta nga positibo sa mpox, apan kini namatay tungod sa komplikasyon sa laing sakit, ug dili tungod sa monkeypox.
Sa Mandaue City, giimbestigahar usab karon sa City Health Office ang usa ka 39-anyos nga lalaki nga adunay sintomas sa mpox, lakip na ang mga samad sa panit. Dali kini nga gi-isolate samtang naghulat sa resulta sa confirmatory test.
Mga Sintomas sa Mpox:Hilanat, pagpanakit sa kalawasan ug ulo, paghubag sa lymph nodes, ug
mga rashes o butoy-butoy sa panit.
Gipahimangno-an sa DOH ang publiko nga magmatngon apan magpabiling kalmado. Gisugyot sa mga eksperto nga sundon ang mga mosunod nga lakang aron malikayan ang pagkaylap: Pagsul-ob og face mask,
regular nga paghugas sa kamot, paglikay sa tapok-tapok, ug pagpakonsulta dayon kung adunay dili kasagaran nga sintomas.
Gipasalamatan sa mga lokal nga opisyal ang kooperasyon sa katawhan ug gi-awhag ang tanan nga ipadayon ang pag-amping ug pagsalig sa mga health authorities.
I via Renante Socia Lada