Dako nga kalampusan ang Simbang Gabi 2024 human kini nahuman nga malinawon ug hapsay, base sa taho sa Police Regional Office 7 (PRO7).
Kini nga tradisyon sa Pilipinas nakaagni og bagang duot sa katawhan nga nanambong ug niapil sa matag kagabii nga mga Misa gikan Disyembre 16 hangtod 24, 2024.
Sumala ni PBGEN Roy Parena, ang Officer-In-Charge sa PRO-7, nga gipatuman ang safety measures para sa kaluwasan sa tanan nga niadto sa simbahan.
Dugang niya, ang positibong feedback sa komunidad nga nagpasalamat sa maayong dagan sa kalihokan nagpakita sa kahiusahang espiritwal nga kahupayan nga dala sa Simbang Gabi matag tuig.
“We are proud to report that the celebration concluded without any major incidents,” segon ni PBGEn Parena.
Giingon usab niya nga ang tanang pwersa sa kapulisan ubos sa PRO-7 andam ug nag-operate sa pinakataas nga lebel sa alerto sa seguridad. Gitutokan ang pagpatrolya sa mga terminal, malls, merkado publiko, simbahan, ug dagkong kadalanan, isip kabahin sa Ligtas Paskuhan 2024 operational guidelines. Lakip niini ang hugot nga pagpatuman sa Republic Act No. 7183, nga nagtumong batok sa ilegal nga paghimo ug pagbaligya sa mga firecrackers ug pyrotechnics, uban ang pakigtambayayong sa ubang law enforcement agencies ug local government units.
Sa pagkakaron, tulo ka mga insidente sa pagkumpiska sa ilegal nga firecrackers ang natala sa Datag, Maribago, ug Poblacion sa Lapu-Lapu City, ingon man sa Barangay Poblacion sa Danao City ug Barangay Tabunok sa Talisay City, Cebu.
Gawas pa niini, usa ka kaso sa kadaot may kalabotan sa firecracker ang nataho pasado alas-11:00 sa buntag, Disyembre 23, 2024, sa Barangay Casay, Dalaguete, Cebu. Usa ka 17-anyos nga lalaki ang nasamdan samtang nag-operate og improvised cannon nga gihimo gikan sa kawayan “lantaka” , nga nibuto duol sa iyang nawong. Ang debris gikan sa pagbuto niigo sa iyang mga mata, nga nanginahanglan dayon og medikal nga atensyon.
Source: PRO-7, PIO
I via Renante Socia Lada
#rpndykccebu
#675hzamband
#mrpublicservice