Ang Police Regional Office 7 nitaho nga ang gidaghanon sa mga kaso sa krimen sa Central Visayas nikunhod og 46.07 porsyento atol sa 9 ka adlaw nga novena masses. Kini resulta sa mga aktibong lakang batok sa krimen ug masulundon nga pag-imbestigar, base kini sa ilang datus kagahapong adlawa Desyimbre 25, 2024.
Sumala sa Crime Information, Reporting and Analysis System (CIRAS), ang mga datos sa krimen gikan Disyembre 16 hangtod 24, 2024, nagpakita og dako nga pagkunhod sa 8 ka focus crimes. Gikan sa 89 ka kaso niadtong miaging tuig, kini nahimong 48 ka kaso karong tuiga, nga nagresulta og 46.07 porsyento nga pagkunhod.
Ang tanan nga focus crimes nakasinati og pagkunhod gawas sa motorcycle carnapping, nga nagpabiling wala mausab. Dugang pa, wala’y natala nga insidente sa carnapping MV niining panahona.
Ang crime clearance rate naabot sa 92.49 porsyento, samtang ang crime solution rate nagpabilin sa 89.59 porsyento.
Sumala ni PBGEN Roy B. Parena, ang Officer-In-Charge sa PRO-7, ang maayong pag destino sa mga personnel sa mga lugar nga daghang tawo, mga checkpoint sa dagkong dalan, ug dugang nga presensya sa pulisya sa daghang lugar, nakatampo sa pagkunhod sa krimen. Ang padayon nga mga kampanya batok sa krimen ug dedikasyon sa mga imbestigador sa pagsiguro nga mahatagan og tukmang kaso sa Prosecutor’s Office o sa Korte, nakapadugang usab sa kalampusan sa mga inisyatibo batok sa krimen sa PRO-7.
“The peace and order in Central Visayas remains under control. We will persist in our efforts to bring remaining offenders to justice and hold them accountable for their crimes, allowing the people of Central Visayas to enjoy a safe and peaceful festive season,” matod ni PBGen Parena.
Source: PRO-7, PIO
I via Renante Socia Lada
#rpndykccebu
#675hzamband
#mrpublicservice