Gidala sa Cebu Provincial Government ang nagkalain-laing serbisyo sa gobyerno ngadto sa mga residente sa 3rd District sa Cebu pinaagi sa Serbisyo Karaban, nga gipangulohan ni Gov. Pamela Baricuatro.
Sa Pinamungajan, gihatagan og libreng medical check-up, family food packs ug assistive devices ang mga residente. Naghatag usab og tabang sa agrikultura, veterinary services ug legal assistance ang mga opisina sa Capitol ug partner agencies.
Walo ka industrial fans ang giturn-over ngadto sa pito ka barangay sa Pinamungajan. Ang mga fans gituyo alang sa mga covered court aron makatabang sa mga residente nga mogamit niini.
Gihatagan usab og kinatibuk-ang ₱1.15 milyon nga financial assistance ang mga barangay sa Barili, Aloguinsan ug Pinamungajan alang sa ilang mga proyekto ug panginahanglanon sa komunidad.
Sumala sa mga lokal nga opisyal, dakong tabang ang Serbisyo Karaban kay ang serbisyo sa gobyerno mismo ang miduol sa mga residente, ilabi na sa mga nanginahanglan og libre nga serbisyo ug tabang.
I via Renante Socia Lada