Nagtigum kagahapon Agosto 18, 2026 ang Cebu City Local School Board (LSB) aron hisgutan ang mga importanteng proyekto para sa mga pampublikong eskwelahan sa siyudad.
Lakip sa mga gihisgutan ang pagtukod og 41 ka school buildings nga adunay 1,014 ka classrooms, solar energy systems, school kits ug PE uniforms alang sa mga estudyante sa 2027.
Gihisgutan usab ang pagdumala sa konsumo sa kuryente aron mapamenos ang gasto sa mga pampublikong eskwelahan.
Gitutokan usab sa LSB ang pagpalit og metal detectors alang sa mga eskwelahan, ilabi na human sa insidente sa pagpamusil sa usa ka eskwelahan sa Zamboanga City kagahapon Agosto 18.
Sumala sa LSB, gisundan na ang proseso sa pagpalit sa mga metal detector aron mahatag kini sa mga pampublikong eskwelahan.
Tumong niini nga mapalig-on ang seguridad ug magpabiling luwas ang mga estudyante ug mga personnel sa mga eskwelahan.
I via Renante Socia Lada