Nasikop ang usa ka lalaki nga giingong miyembro sa usa ka inila nga gun-for-hire group atol sa operasyon sa kapulisan sa Barangay Bulacao niadtong gabii sa Hunyo 17, 2025.
Ang mga sakop sa Police Station 7 sa Cebu City Police Office (CCPO) maoy nilusad sa operasyon sa Sitio Villa Mangga human madawat ang report gikan sa usa ka nagpakabana nga residente. Alas 10:45 sa gabii, ilang nadakpan ang suspek ug nakuhaan kini og 10 ka gramos nga gituohang shabu nga nagkantidad og ₱68,000.
Sa pag-imbestigar, napamatud-an nga ang suspek miyembro sa Nadera Gun-for-Hire Group, usa ka grupo nga nalambigit sa mga krimen ug ilegal drogas sa Metro Cebu.
Sumala ni Police Brigadier General Redrico A. Maranan sa PRO-7, ang operasyon kabahin sa ilang kampanya batok sa krimen ug drogas, nga nakabase sa 3 haligi: agresibong pagpapatuman sa balaod, pakigtambayayong sa komunidad, ug modernong pamaagi sa pagkspulis.
Ang suspek kasamtangang gitanggong sa Police Station 7 na mag atubang sa kasong paglapas sa Republic Act 9165 o Comprehensive Dangerous Drugs Act of 2002.
Padayon ang imbestigasyon ug follow-up operations aron madakpan ang uban pang miyembro sa grupo ug mapugngan ang ilang kalihokan sa Central Visayas.
Source: PRO7
I via Renante Socia Lada