Usa ka 6-anyos nga batang lalaki ang namatay human madasmagan sa usa ka sakyanan sulod sa Hermag Village, Tabok, Mandaue City, ang insidente nahitabo alas 9:55 sa buntag, Hunyo 18, 2025.
Ang biktima giila usa ka Grade 2, ug residente sa Sector 1, Pagsabungan, Mandaue City. Ang nakabangga kaniya mao ang usa ka Isuzu Dmax Double Cab nga gimaneho sa usa ka 73-anyos nga lalaki nga nailhan lamang sa alyas “Kee,” minyo ug residente usab sa Tabok.
Base sa imbestigasyon nga gihimo sa mga otoridad sa Eversley Hospital, si “Kee” nagmaniobra unta og paatras nga lihok sa maong lugar apan kalit kining mipadagan paabante. Sa dihang nagdagan na ang biktima, nadasmagan siya sa maong sakyanan.
Tungod sa kakusog sa epekto, nahulog ang bata sa karsada ug naangol. Gidali siya nga gidala sa Eversley Hospital apan gideklara nga dead on arrival sa doctor nga mitan-aw kaniya.
Ang insidente gi-report sa kapulisan alas 11:45 sa buntag ug kasamtangang gisusi pa ang dugang detalye sa maong kaso nga giilang Reckless Imprudence Resulting in Homicide.
I via Renante Socia Lada