Gipahimangnoan sa kapulisan sa Central Visayas ang publiko nga gamiton ang 911 kung adunay krimen, aksidente, sunog, o medical nga emergency. Ang 911 maoy opisyal nga national emergency hotline nga gilusad ubos sa administrasyon ni Presidente Ferdinand Marcos Jr., aron masiguro nga dali ra maabot ang tabang sa oras sa panginahanglan.
Matod ni PBGEN Redrico A. Maranan, Regional Director sa Police Regional Office 7 (PRO7), kinahanglan nga dili magduha-duha ang katawhan sa pagtawag sa 911.
Gisuportahan kini sa mando ni PNP Chief PGEN Nicolas D. Torre III, nga gusto nga moabot ang mga pulis sulod sa lima (5) ka minuto human sa tawag:
Aron makab-ot kini nga tumong, kanunay nga naghimo og simulation drills ang kapulisan sa Central Visayas. Kini nga mga ensayo makatabang nga mapadali ang psgresponde, mapaayo ang koordinasyon, ug masiguro ang kalidad sa serbisyo sa emerhensya.
Ang 911 hotline ug ang mga inadlaw nga preparasyon nagpakita sa paningkamot sa PNP nga maghatag og kasaligan, dali, ug matinud-anong serbisyo sa tanang komunidad.
Source: PRO7
I via Renante Socia Lada
#rpndykccebu
#675hzamband
#tandemexpress