Usa ka sunog ang miigo sa usa ka mall sa uptown area sa Cebu City niadtong hapon sa Biyernes, Pebrero 13, 2026. Nadawat ang alarma sa BFP alas 5:39 p.m. nga adunay sunog sa mall sa duol sa Fuente Osmeña Rotunda.
Ang Bureau of Fire Protection (BFP) ug mga fire volunteers dali nga nitubag sa insidente ug nagpadayon sa pagpalong sa unang alarma. Sumala sa report, ang sunog nagsugod gikan sa chimney sa usa ka dining establishment, usa sa mga tenant sa Robinsons Fuente.
Gideklarar sa BFP nga under control ang sunog alas 6:08 p.m. Apan hangtod karon, wala pa sila magpagawas og impormasyon bahin sa kantidad sa kadaut ug sa hinungdan sa sunog. Wala pa usab maghatag og pamahayag ang fire investigator bahin sa insidente.
Ang insidente atong higayuna nakaapekto sa trapiko sa palibot nga miabot pa sa uban nga dalan, labi na kay Biyernes ug hapit na ang weekend. Daghang motorista ang naipit tungod sa trapiko sa maong lugar.
Sumala sa opisyal nga pamahayag sa Robinsons Fuente, kini usa lamang ka isolated nga insidente sa gamay nga parte sa mall.
📸 Contributed
I via Renante Socia Lada