Usa ka inahan sa Barangay Lorega San Miguel ang midangop sa kapulisan ug mipadakop sa mismo niyang anak nga rider human kini mosumbag kaniya tungod kay wala nakasuyop.
Ang biktima giila sa alyas Cita, 55 anyos, samtang ang suspek mao si Jessie Largo Lebata, 32 anyos, usa ka Move It rider nga nagpuyo uban sa iyang inahan.
Matod ni Cita, pagkabuntag sa Domingo, Septembre 21, kalit siyang gisumbag sa iyang anak pagkahuman nilang mata alas 5:00 sa buntag, hinungdan nga siya nalipong ug natumba. Dugang pa niya, saputon ang iyang anak ug manglalis kung dili makagamit sa ginadiling drugas, apan magpuyo ra kun makasuyop.
Human sa insidente, mipahiling si Cita sa Cebu City Medical Center ug midiretso sa kapulisan aron ipasikop ang iyang anak. Gikustodiya na karon sa Parian Police Station si Lebata ug atubangon ang kasong physical injury.
Base sa record sa kapulisan, adunay daan nang kaso si Lebata labot sa paggamit sa ginadiling drogas.
Source: CCPO
I via Renante Socia Lada