Nadakpan pinaagi sa citizen’s arrest ang usa ka 22-anyos nga lalaki human giingong nilugos niya ang iyang silingan nga usa ka call center agent sa usa ka boarding house sa Sitio Culo, Barangay Lahug, pasado alas 2:00 sa kadlawon.
Giila ang suspek nga si Justine Paul Apiñan, taga-Roxas City apan temporaryo nga nagpuyo sa lugar. Ang biktima nga gitago sa alyas “Jessa”, 25 anyos, taga-Dumaguete, mitug-an nga giatngan siya sa suspek dihang hubog siya ug gipugos nga gisulod sa lawak niini ug gipahimuslan.
Pagkahuman sa insidente, nangayo og tabang ang biktima sa iyang mga silingan nga maoy nakadakop sa suspek ug dayong gidala kini sa Mabolo Police Station.
Karon, giandam na ang kasong rape batok kang Apiñan ilawom sa Anti-Rape Law of 1997. Padayon pa ang imbestigasyon sa kapulisan.
Source: CCPO
I via Renante Socia Lada