Usa ka 70-anyos nga retiradong magtutudlo ang namatay sa sunog nga nahitabo sa ilang panimalay sa Barangay Mangyan, lungsod sa Sibonga, Cebu, nahitabo kini pasado alas 8:46 kagabii, Abril 30, 2025.
Giila sa kabomberohan ang biktima na mao si Victoriano Regidor. Sumala sa inisyal nga imbestigasyon, nagsugod ang kalayo sa kwarto mismo ni Regidor. Tungod kay wala siya nakagawas, na-trap kini ug napaig sa maong sunog.
Gituohan nga ang nag-unang hinungdan sa kalayo mao ang nagpadayon nga paggamit sa kandila, human masinati ang brownout sa ilang lugar. Nagpadayon ang imbestigasyon sa insidente aron masuta pa ang ubang detalye.
Nasayran usab nga nidanyos ang maong sunog og P1.4 milyon. Samtang ang SOCO nihimo pa og dygang imbestigasyon aron masuta kung wala ba kini foul play.
I via Renante Socia Lada