General Santos City – Isip pagpangandam sa umaabot nga 2025 National and Local Elections (NLE), ang Police Regional Office 12 (PRO 12) pormal nga mipakatap og 600 ka personnel sa Bangsamoro Autonomous Region in Muslim Mindanao (BARMM) atol sa send-off ceremony nga gipahigayon niadtong Mayo 1, 2025, sa Covered Court sa Cotabato Police Provincial Office, Amas, Kidapawan City, Cotabato.
Ang send-off ceremony gipangunahan ni PBGEN ARNOLD P ARDIENTE, Regional Director sa PRO 12 ug gipasiugdahan ni Atty Jeljan Hermogeno Panal, Legal Officer sa Commission on Election (COMELEC) XII.
Ang 600 ka mga personahe nga gipakatap magsilbing Special Electoral Boards (SEBs) karong Mayo 12, 2025, sa mga lugar nga giila nga election hotspots o diin ang mga magtutudlo ug regular nga Board of Election Inspectors nagdumili sa pagserbisyo tungod sa seguridad.
Gipahinumdoman ni PBGEN ARDIENTE ang mga personahe sa ilang mahinungdanong tahas sa pagpatunhay sa kabalaan sa proseso sa eleksyon ug pagsiguro sa kaluwasan sa mga botante sa SGAs.
News&Photos: RPIO-PRO12