Cebu City – Gimandoan ang kapolisan sa Central Visayas pag maintain sa law and order ug pag observe ug ‘maximum tolerance’ pag handle sa mga rally isip protesta sa unofficial results sa local ug national elections karong tuiga.
Giluwatan ni Police Brigadier General Roque Eduardo Vega, Police Regional Office Central Visayas (PRO-7) director ang order Biyernes, alang sa kapolisan pag maintain sa law and order ug pagtugot sa mga protester pagpadayag sa ilang grievances ug sentimento.
Panawagan ni Vega ngadto sa publiko pag respeto sa boto sa mayoriya sa mga Filipino ug pag recognize sa tagsa tagsa ka katungod pagpadayag sa ilang kaugalingong.
Alang sa opisyal nga kadtong nagplano nga mo protest sa unofficial election results, kinahanglang mo file sa ilang protesta ngadto sa certified authorities, partikular na sa Commission on Elections.
Sa ilang bahin, si Police Colonel Engelbert Soriano, director sa Cebu Police Provincial Office (CPPO), nga padayon silang nag monitor sa posibling movements gikan sa tanang syudad ug munisipalidad sa lalawigan sa Sugbo.
Sa syudad sa Sugbo, gipahibaw ni Police Lieutenant Colonel Wilbert Parilla, deputy director for operations sa Cebu City Police Office (CCPO), nga dunay 32 ka personnel sa Civil Disturbance Management (CDM), kinsa naka standby sukad sa tungang gabii sa adlaw sa piniliay.
Samtang sa dakbayan sa Lapu-Lapu, gibutyag ni Police Colonel Arnel Banzon, Lapu-Lapu City Police Office director nga duna sab silay 60 ka mga CDM personnel nga andam sab sa posibling rally sa syudad.
Sa ilang habig, si Police Lieutenant Colonel Franco Oriol, deputy director for operations sa Mandaue City Police Office nagkanayon nga ipadayon niini ang pagpahigayon ug checkpoints sa tanan nilang police stations ug tagsa tagsa ka jurisdiction isip kabahin sa ilang pre-emptive measures.
Sigon pa ni Oriol nga dunay walo ka mga pulis ang gitahasan pagpahigayon ug checkpoints sa tanan nilang police stations sa syudad.
Suma pa niini nga wala pa sila makadawat ug reports nga dunay grupo nga nag planong mopahigayon ug rally sa syudad. (Jhon Tadlip)
(News & photo courtesy of Police Regional Office- 7)