Naglunsad ang Cebu Provincial Tourism Office og QR Code system sa Museo Sugbo aron mas sayon makakuha og impormasyon ang mga bisita bahin sa mga atraksyon ug destinasyon sa Sugbo. Ang mga QR code gibutang sa main entrance sa museyo.
Pinaagi sa pag-scan sa QR code, mahimong ma-access sa mga bisita ang upat ka opisyal nga tourism brochures nga naglakip sa Culture and Heritage, Adventure, Dive, ug Explore Cebu. Anaa usab ang impormasyon sa Welcome to Cebu, Cebu Clean Toilet Stops, ug Cebu Travel Review Form.
Sumala sa Cebu Provincial Tourism Office, kini nga pamaagi makatabang sa mga lokal ug langyawng turista aron dali silang makakuha og kasayuran sa mga lugar nga angay bisitahan, mga serbisyo alang sa turista, ug paagi sa paghatag og ilang komento o feedback.
Giingon sa opisina nga kabahin kini sa ilang padayon nga paningkamot sa pagpaayo sa kasinatian sa mga bisita pinaagi sa paggamit sa teknolohiya ug paghatag og mas sayon nga access sa impormasyon sa turismo sa tibuok Sugbo.
I via Renante Socia Lada