Usa ka bag-ong natawo nga puya ang napalgan nga patay ug giputos og plastic sa Sitio Maaslom, Barangay Busay, alas 7 sa buntag, Sabado, Agosto 23, 2025.
Sumala sa Mabolo Police Station 4 sa Cebu City Police Office, nakadawat sila og tawag alas 8:55 sa buntag kabahin sa maong insidente ug dali nila kining girespondehan.
Padayon pa ang imbestigasyon sa kapulisan aron mahibal-an kon kinsa ang ginikanan ug unsaon pagpaklaro sa tinuod nga hinungdan sa pagkamatay sa bata.
Sa pagkakaron, wala pa’y impormasyon ang kapulisan kung diin gikan ug kinsa ang milabay sa maong puya nga bata nga gisulod sa plastic aron mapahamtangan og tukmang kaso ang walay puangod nga inahan.
I via Renante Socia Lada