Misalmot si Cebu Gobernor Pamela Baricuatro uban sa lokal nga mga opisyales ug mga opisyal sa Tsuneishi Heavy Industries sa paglansad sa MT Type Bulk Carrier niadtong Sabado, Agosto 23, 2025.
Gipahigayon ang seremonya sa shipyard sa Tsuneishi nga nahimutang sa Barangay Buanoy, Balamban. Ang produksiyon sa bag-ong barko nagpakita sa padayon nga pagtubo sa kompaniya ug sa lig-on nga kahimtang sa industriya sa shipbuilding sa Sugbo.
Matod pa sa kagamhanan, dako ang epekto sa maong kalihukan tungod kay kini nagmugna og daghang trabaho dili lang para sa mga residente sa Balamban, apan para usab sa tibuok probinsya.
Giila ang Tsuneishi Heavy Industries nga usa sa pinakadako nga shipbuilding companies sa rehiyon nga padayon nga nagpalig-on sa Cebu isip usa ka global hub sa industriya sa barko.
Source: Cebu Province PIO
I via Renante Socia Lada