Usa ka puya nga gibana-banang anaa sa 6 ngadto sa 7 ka bulan ang panuigon ang nakit-an nga gibilin sa sulod sa diaper sa sulod sa compound sa Good Shepherd, Barangay Guadalupe, Cebu City, gahapon sa hapon Hulyo 17, 2025.
Sumala sa report, walay bisan unsang sulat o impormasyon nga nagpakita sa identidad sa ginikanan o kinsa ang responsable sa pagbiya sa maong bata. Ang insidente karon gitan-aw na sa kapulisan ug mga otoridad aron masuta kung unsa gyud ang nahitabo ug kinsa ang nagbilin sa puya.
Dali usab nga miresponde ang mga social workers sa Cebu City nga mipunit sa bata ug gihatagan kini og hustong pag-atiman, samtang gi-assess ang kahimtang sa panglawas ug emosyonal nga estado niini. Giandam na ang pag-turn over sa bata ngadto sa temporaryong protective custody.
Nanawagan karon ang mga awtoridad sa katawha nga adunay impormasyon kabahin sa ginikanan o paryente sa maong puya, aron makatabang sa ilang imbestigasyon ug masiguro ang hustong kahimtang sa bata.
I via Renante Socia Lada