Usa ka pulis nga ang namatay human maigo ang iyang kaugalingon nga tiyan atol sa aksidente nga pagbuto sa iyang armas alas 9:00 sa buntag, Martes, Hulyo 8, 2025, sa Sitio Ukban, Barangay Buhisan.
Ang biktima, mao si Police Corporal Edmund Danieles Agustin, 33 anyos, miyembro sa Provincial Investigation and Detective Management Unit (PIDMU) sa Cebu Police Provincial Office (CPPO).
Matod ni Police Lieutenant Colonel Maria Theresa Macatangay, deputy city director for operations sa Cebu City Police Office, nga gikuha lang unta sa biktima ang iyang 9mm service pistol, apan kalit kining mibuto ug midiretso og igo sa iyang tiyan.
Nadala pa kini sa Vicente Sotto Memorial Medical Center, apan gideklarar siya nga dead on arrival sa mga doktor.
Sumala ni Macatangay, base sa CCTV footage, klaro nga nag-inusara lang ang pulis sa ilang balay atol sa insidente—ang iyang anak naa sa eskwelahan samtang ang iyang asawa wala usab sa ilang panimalay.
Gipasabot usab ni Macatangay nga wala silay nakita nga foul play sa maong kamatayon ug giila nila kini nga usa ka aksidente.
Gi-awhag karon ang kapulisan nga magmatngon sa paggamit sa ilang mga armas aron dili na masubli ang susamang aksidente.
I via Renante Socia Lada